D. JULIO IGNACIO IGLESIAS REDONDO ALCALDE DO CONCELLO DE ARES POR MEDIO DO PRESENTE FAI SER:

As CONTAS DE PAGO BÁSICA son un tipo de contas para promover a inclusión financieira na Unión Europea O RD 164/2019 do 22 de marzo polo que se establece o réxime gratuito de contas de pago básicas en beneficio de persoas en situación de vulnerabilidades ou risco de exclusión financeira establece a obrigación dos bancos de dalas a coñecer e informar sobre as súas caracterísicas, para que as persoas con rendas baixas poidan acceder a unha conta corrente gratis, sen que teñan que pagar por ela, nin condicionala á adquisición doutros servizos.

A GRATUIDADE APLICARASE DURANTE 2 ANOS. PERÍODO PRORROGABLE POR OUTROS 2 SE SE ACREDITA QUE A SITUACIÓN DE VULNERABILIDADE MANTENSE

Poderán acollerse ao réxime gratuíto, é dicir, non pagar os tres euros mensuais, cando "non concorra titularidade, directa ou indirecta, ou dereito real algún sobre bens inmobles, excluída a vivenda habitual, nin titularidade real de sociedades mercantís, por parte de ningún dos membros que integren a unidade familiar" e, ademais, os seus ingresos económicos brutos anuais non excedan os seguintes límites:

• Dúas veces o indicador público de renda de efectos múltiples (IPREM) de doce pagas, se o cliente non está integrado nunha unidade familiar (15.039,18 euros brutos anuais en 2020).

• Dúas veces e medio o IPREM, se o c1iente forma parte dunha unidade familiar con menos de catro membros (18.798.98 euros ao ano en 2020).

• Tres veces o IPREM para clientes que formen parte de unidades familiares con catro ou máis membros , familias numerosas ou que teñan polo menos unha persoa que teña recoñecida unha discapacidade do 33 % ou máis (22.558,77 euros ao ano en 2020).

DOCUMENTACIÓN A ACHEGAR NOS BANCOS:

- Para acreditar o número de membros da unidade familiar, o libro de familia ou documento da inscrición como parella de feito

- Para acreditar os ingresos, existen varias opcións: certificados tributarios ou administrativos relativos aos teus ingresos, as últimas nóminas percibidas...

- Se non se dispón desta documentación, deberá presentarse un informe, emitido polos servizos sociais municipais, no que se indiqué a composición da unidade familiar ou se explique por que se é persoa apta para beneficiarse desta medida.

- Ademais, o banco poderá pedir autorización para obter telemáticamente, das Administracións competentes, a información para acreditar que se cumpren cos requisitos citados, sen que poida cobrar por iso.

Ares 28 de xaneiro 2020

O Alcalde,
Asdo. Julio Ignacio Iglesias Redondo

BANDO en pdf