A concellaría de Deportes do Concello de Ares, que dirixe a edil socialista, Alma Barrón, dentro do calendario das actividades culturais e deportivas municipais para 2018, propón desfrutar da maxia do Camiño de Santiago coa posibilidade de acadar tamén, se o desexan, a Compostela.

A actividade comezará o día mércores 16 de maio, con saída en microbús ás 6,30h dende Ares cara Sarria, para dende alí iniciar o Camiño, que rematará na Praza do Obradoiro o 20 de maio co posterior regreso a Ares .

Etapas :
1ªEtapa: 16 de maio: Sarria-Portomarín (22,4 km)
2ªEtapa: 17 de maio: Portomarín-Palas de Rei (25 km)
3ªEtapa: 18 de maio: Palas de Rei-Arzúa (28,8 km)
4ªEtapa: 19 de maio: Arzúa-O Pino (19,2 km)
5ª Etapa: 20 de maio: O Pino- Compostela (20 km)

A actividade organizada inclúe transporte de ida a Sarria e volta dende Santiago, aloxamento reservado en albergue con almorzo e seguro .

Ofértanse 32 prazas, e coma condición, esíxese ser maior de idade e atoparse nunha condición física axeitada (a esta data xa están cuberta a metade delas)

Para formalizar a inscrición así como ampliar información poden dirixirse á biblioteca municipal (Alianzas Aresanas, Rúa María 11, tfno. 981 448057) de luns a venres,
O importe da actividade é de 75 € (debendo aboar 30 € no momento da inscrición e o resto antes do 16 de abril.)

Dende a Concellaría convídase a tomar parte nesta iniciativa