Banner portadaEscudo De Ares
imagen tel |Ir A Principal|Contacto

Logotipo Ares


Ares, Sábado 30 de Maio de 2020
Galego|Español|English
O ALCALDE RESPONDE

Pregúntelle ao Alcalde
CÁMARA WEB
WebCam Concello
CALENDARIO
añomesMaio
2020
mesaño
LuMaMiXoVeSaDo
123
45678910
11121314151617
18192021222324
25262728293031

Calendario escolas MunicipaisEscolas Municipais
SEDE DIGITAL
Sede Digital

Licitacin Electrnica

Perfil Contratante

Ares Digital

Tempo CPI Conde de Fenosa
Alcalde Julio Iglesias
Saúdo do Alcalde
Julio Ignacio Iglesias Redondo
III CONCURSO FOTOGRAFIA XUVENIL 2019

Vive Ares 2018

Actividades culturais

Actividades Deportivas

III PLAN DE IGUALDADE DE OPORTUNIDADES DO CONCELLO DE ARES

PERIODO MEDIO DE PAGO A PROVEEDORES

APROBACIÓN PROVISIONAL PXOM 2017

APROBACIÓN INICIAL PXOM 2014

Contratación Persoal

Animais Abandonados

Policí Local

Protección civil

Trámites frecuentes

Zona Reciclaxe

Wi-fi Gratis

Aloxamentos e restaurantes


Noticias
Notas de prensa
BANDO: Medidas a ter en conta na mobilidade da poboación
08 Maio 2020 10:07
BANDO: Medidas a ter en conta na mobilidade da poboaciónBANDO: Medidas a ter en conta na mobilidade da poboaciónBANDO: Medidas a ter en conta na mobilidade da poboación
D. JULIO IGNACIO IGLESIAS REDONDO, ALCALDE DO CONCELLO DE ARES (A CORUÑA), POR MEDIO DO PRESENTE, FAI SABER:

MEDIDAS A TER EN CONTA NA MOBILIDADE DA POBOACIÓN

Normativa de aplicación

* Real Decreto 463/2020, do 14 de marzo, o estado de alarma en todo o territorio nacional co fin de afrontar a crise sanitaria ocasionada polo COVID-19 (e posteriores de ampliación do estado de alarma)

* RESOLUCIÓN do 13 de marzo de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade ao Acordo do Consello da Xunta de Galicia, do 13 de marzo de 2020, polo que se declara a situación de emerxencia sanitaria no territorio da Comunidade Autónoma de Galicia e actívase o Plan territorial de emerxencias de Galicia (Platerga) no seu nivel IG (emerxencia de interese galego), como consecuencia da evolución da epidemia do coronavirus COVID-19 (e posteriores de modificación)

* Orde SND/370/2020, do 25 de abril, sobre as condicións nas que deben desenvolverse os desprazamentos por parte da poboación infantil durante a situación de crise sanitaria ocasionada polo COVID-19,

* Orde SND/380/2020, do 30 de abril, sobre as condicións nas que se pode realizar actividade física non profesional ao aire libre durante a situación de crise sanitaria ocasionada polo COVID-19.

* Orde TMA/384/2020, do 3 de maio, pola que se ditan instrucións sobre a utilización de máscaras nos distintos medios de transporte e fíxanse requisitos para garantir unha mobilidade segura de conformidade co plan para a transición cara a unha nova normalidade

* Orde SND/388/2020, do 3 de maio, pola que se establecen as condicións para a apertura ao público de determinados comercios e servizos, e a apertura de arquivos, así como para a práctica do deporte profesional e federado

Outros criterios tidos en conta :

* Aclaracións da Dirección Xeral dos dereitos das animais
* Aclaracións da Subdelegación do Goberno
* Aclaracións da Xunta de Galicia
* Aclaracións das Forzas e Corpos de Seguridade do Estado

Desde o día 14 de marzo, en Galicia e a partir do día 16 no resto do territorio nacional toda a cidadanía debemos cumprir unha serie de limitacións que afectan á nosa mobilidade e aos espazos transitables do noso municipio.

Tras máis de 50 días desde a primeira norma publicada respecto diso e tendo en conta que iniciamos xa o proceso de desescalada cara á nova normalidade, dividido en 4 fases, que a partir do luns 4 de maio permite xa a apertura do pequeno comercio con cita previa, e o día 11 apertura de hostalería con limitación de aforo, faise necesario aclarar e resumir as instrucións sobre como levar a cabo e maneira ordenada as saídas co fin de non poñer en risco a nosa saúde nin a do resto dos nosos veciños e veciñas.

Confiamos e apelamos á vosa responsabilidade para poder levar a cabo este proceso de volta á normalidade sen incidencias nin pasos atrás, que obrigarían ás autoridades competentes a tomar medidas máis restritivas en aras a evitar a propagación da enfermidade.

Deberá cumprirse SEMPRE coas medidas de prevención e hixiene fronte ao COVID-19 indicadas polas autoridades sanitarias.

1.- DISTANCIA CON TERCEIROS DE 2 METROS
2.- EVITAR ESPAZOS CONCORRIDOS OU DE PREVISIBLES AGLOMERACIÓNS
3.- LAVARSE FRECUENTEMENTE As MANS
4.- MÁSCARA OBRIGATORIA EN TRANSPORTE PÚBLICO
5.- MÁSCARA RECOMENDABLE NAS SAÍDAS DA POBOACIÓN

CONDICIÓNS DE OBRIGADO CUMPRIMENTO DURANTE AS SAÍDAS AUTORIZADAS

DEPORTE , PASEOS E SAÍDAS INFANTÍS (circular/transitar)

A- DEPORTE NON PROFESIONAL NIN FEDERADO:

1.- Entre as 6 e as 23 h, sen franxa horaria por ter núcleos de poboación inferiores a 5.000 hab. 2.- Unha vez ao día e sen contacto
3.- De maneira individual
4.- Dentro do municipio, sen límite de tempo (excepto o do horario máximo estipulado )
5.- De maneira continuada sen paradas innecesarias.
6.- Prohibido o uso do transporte público ou vehículo motorizado para chegar á zona de paseo ou deporte

B.- PASEOS ( +14 e -70 anos )

1.- Entre as 6 e as 23 h, sen franxa horaria por ter núcleos de poboación inferiores a 5.000 hab. 2.- Unha vez ao día e sen contacto
3.- Individual ou cun maior de 14 anos e menor de 70 anos convivente como máximo
4.- Dentro do radio de 1 km de distancia da vivenda sen límite de tempo ( excepto o do horario máximo estipulado)
5.- De maneira continuada sen paradas innecesarias.
6.- Prohibido o uso do transporte público ou vehículo motorizado para chegar á zona de paseo ou deporte

C.- PASEOS ( + 70 e/ou persoas dependentes de terceiros )

1.- Entre as 6 e as 23 h, sen franxa horaria por ter núcleos de poboación inferiores a 5.000 hab. 2.- Unha vez ao día
3.- Individual ou cun maior de 14 anos convivinte (ou persoa coidadora habitual) como máximo
4.- Dentro do radio de 1 km de distancia da vivenda
5.- De maneira continuada sen paradas innecesarias.
6.- Prohibido o uso do transporte público ou vehículo motorizado para chegar á zona de paseo ou deporte

D.- PASEOS INFANTÍS ( -14 anos )

1.- Entre as 12 e as 19 h, (saída non afectada pola Orde SND/380/2020, do 30 de abril
2.- Unha vez ao día
3.- 1 adulto convivente ou persoa coidadora habitual con ata 3 nenos/ as
4.- Dentro do radio de 1 km de distancia da vivenda
5.- De maneira continuada sen paradas innecesarias.
6.- Prohibido o uso do transporte público ou vehículo motorizado para chegar á zona de paseo ou deporte

E- RECADOS E ASISTENCIA SANITARIA

1.- Sen limitación de horario (recoméndase aproveitar unha única saída para todos )
2.- Polo tempo imprescindible para realizalo
3.- De maneira individual (poden acompañar menores conviventes se non se poden deixar sólos en casa)

F.- DEPORTE PROFESIONAL ( Segundo Real Decreto 1006/1985, do 26 de xuño, polo que se regula a relación laboral especial dos deportistas profesionais, e os deportistas cualificados polo Consello Superior de Deportes como deportistas de alto nivel ou de interese nacional )

1.- Entre as 6 e as 23 h, sen franxa horaria
2.- Polo tempo necesario para o adestramento
3.- Dentro da provincia de residencia
4.- De maneira individual ou cun único adestrador mantendo a distancia de 2 m ( ou de 10 m se se adestra en bicicleta ou patíns )
5.- Ao aire libre. Poderán acceder a espazos públicos necesarios para a actividade deportiva que desenvolven ( p. ex: mar, ríos ou encoros )
6.- Necesaria acreditación da condición de deportista profesional

G.- DEPORTE FEDERADO NON PROFESIONAL

1.- Entre as 6 e as 23 h, sen franxa horaria por ter núcleos de poboación inferiores a 5.000 hab. 2.- Dúas veces ao día, e sen contacto
3.- De maneira individual, non se permiten adestradores
4.- Dentro do municipio, sen límite de tempo ( excepto o do horario máximo estipulado )
5.- Ao aire libre. Poderán acceder a espazos públicos necesarios para a actividade deportiva que desenvolven ( p. ej: mar, ríos ou encoros )
6.- Se na modalidade deportiva practicada participasen animais ( por exemplo cabalos), poderase realizar a práctica ao aire libre, de maneira individualizada, no lugar onde estes permanezan, mediante cita previa, se fose o caso e durante o mesmo período de tempo.
7.- Necesaria acreditación da condición de deportista federado

ANIMAIS DOMÉSTICOS

1.- Poderase saír de casa para sacar aos nosos cans en paseos curtos próximos ao domicilio para cubrir as súas necesidades fisiolóxicas

2.- Paseos individuais sen contacto con terceiras persoas nin con outros animais

3.- Levar bolsas para as feces e botella de auga con deterxente ( ou outro hixienizante ) para ouríñelos.

4.- Procurar saír en horarios de menor afluencia

5- Os cans poden acompañar ás súas donas/vos en as novas medidas aprobadas para poder pasear, facer deporte ou nas saídas controladas coa poboación infantil.

EN NINGÚN CASO PODERASE BAIXAR O CAN ÁS PRAIAS ( excepto á destinada para eles)

Lembra cumprir coas indicacións das autoridades sanitarias e municipais en canto a tenencia e paseo de animais, é responsabilidade de todos e de todas. ESPAZOS PÚBLICOS NATURAIS TRANSITABLES:

Vías e espazos públicos abertos, así como espazos naturais e zonas verdes autorizados

A.- PASEO MARÍTIMO

A partir do luns 4 de maio, poderase circular polo paseo marítimo en toda a súa lonxitude polo que se poderá transitar por el á hora de realizar as saídas autorizadas en cada unha das franxas horarias que corresponda por grupo de poboación.

Co fin de evitar posibles aglomeracións neste espazo existen unha serie de limitacións que se deben respectar:

1.- Non pararse nin sentar no muro: todas as saídas autorizadas son para circular ou transitar. Non se permite o contacto con terceiros.
2.- Teñen prioridade as persoas que camiñan sobre o resto.
3.- Transite sempre pola súa dereita
4.- Se se aproveita a saída de deporte ou paseo para levar ao can, lembre as normas de hixiene do apartado anterior.

B.- PRAIAS

Poderase circular polas praias polo que se poderá transitar por elas á hora de realizar as saídas autorizadas en cada unha das franxas horarias que corresponda por grupo de poboación.

Co fin de evitar posibles aglomeracións neste espazo existen unha serie de limitacións que se deben respectar:

1.- Todas as saídas autorizadas son para circular ou transitar, non está permitido o baño, nin tomar o sol, nin a pesca ( posibilidades previstas para a fase 3 ). Non se permite o contacto con terceiros.
2.- Teñen prioridade as persoas que camiñan sobre o resto.
3.- Os cans unicamente poderán acceder á praia destinada para eles nas condicións marcadas habitualmente.

TRANSPORTE PÚBLICO:

A.- TAXI:

* Posibilidade de dúas persoas en cada fila de asentos traseira,
* nos asentos máis afastados posibles
* Sempre con máscara

B.- AUTOBÚS

* Máximo 50 % de ocupación
* Afastados o máximo posible
* Fila libre detrás do condutor,
* Sempre con máscara

Ares, 8 de maio de 2020

O alcalde,
Asdo. Julio Ignacio Iglesias Redondo
Icono de conformidad con el Nivel Doble–A de las Directrices de Accesibilidad para el Contenido Web 1.0| XHTML 1.0 Transitional Válido| ¡CSS Válido!|Rss Concello Ares