LIGAZÓN DE INSCRICIÓN: https://forms.gle/6uXPZ1m1yXAczyXN7
A ‘ruta dos mortos’ que remata aos pés do Santuario de Santo Andrés de Teixido será protagonista deste itinerario que se promoverá o 23 de marzo. Serán 17 quilometros cargados de misticismo e lendas acompañados da beleza dos cantís cun prezo de 20 euros.
As persoas empadroadas en Ares poderán inscribirse a partir das 14:00 horas deste martes, 4 de marzo, na web institucional ata o día seguinte na mesma franxa horaria (14:00 h.), dando prioridade así na reserva de praza.
Posteriormente poderán facelo as non-empadroadas na localidade, ata o 10 de marzo ás 23:59 h. ou, de darse o caso, o esgotamento dos cupos habilitados.
A Concellaría de Deportes vén de anunciar hoxe a posta en marcha do proceso administrativo da próxima ruta do SendAres, o programa de sendeirismo do Concello para redescubrir o patrimonio natural galego.
Este martes, 4 de marzo, a partir das 14:00 horas e a través da páxina web www.concellodeares.gal abrirase a inscrición telemática para o seu sexto percorrido ás persoas empadroadas en Ares. Estará operativa ata o día seguinte, 5 de marzo, na mesma franxa horaria, momento onde se abrirá a reserva de prazas aos non-empadroados/as na localidade.
Os sendeiristas entrarán nun territorio a cabalo entre a lenda e a realidade, o mundo dos mortos e dos vivos, como é Cabo Ortegal, dende onde cruzarán os montes do Limo para seguir a ruta dos defuntos que remata ante o Santuario de San Andrés de Teixido. A beleza dos cantís, a maxia dese espazo liminar entre dúas dimensións… de todo iso poderán desfrutar neste sexto itinerario.
O percorrido desenvolverase ao longo da xornada do domingo, 23 de marzo, cunha distancia aproximada de 17 quilómetros e unha dificultade ALTA. O prezo é de 20 euros e inclúe servizo de guía, transporte e seguros. Saírase ás 8:00 horas en autobús e chegarase á vila de Ares preto das 15:00 horas, tomando como referencia a Praza da Igrexa a modo de punto de encontro.
A Concellaría de Deportes asignou 25 prazas para a actividade que se cubrirán por orde de inscrición, primeiro empadroados/as nunha marxe de 24 horas e posteriormente non-empadroados/as, ata o 10 de marzo ás 23:59 h. ou, de darse o caso, ata o seu esgotamento.
