Información de recollida de lixo e reciclaxe
INFORMACIÓN DE RECOLLIDA DE LIXO E VOLUMINOSOS
A recollida do lixo en toda a contorna municipal de Ares realízase de maneira diaria, xestionada pola Concellería de Obras e Servizos Municipais.
A maiores deste servizo, tamén se contempla o tratamento dos enseres voluminosos, que deben depositarse nos puntos de recollida establecidos e delimitados o día anterior ao terceiro mércores de cada mes. Desta maneira, preténdese garantir unha recollida óptima de obxectos ou outros elementos que esixen unha actuación máis específica.
INFORMACIÓN DE RECICLAXE
A reciclaxe implica a coordinación e xestión de todo un proceso centrado na reconversión de residuos en novos produtos útiles.
Nese sentido, a recolección dos elementos reciclables na contorna municipal é clave para iniciar e soster no tempo a actividade, limpando e preparando despois os artigos para a súa reutilización e aproveitamento.
Desta maneira, o Concello tamén puxo ao dispor dos veciños e veciñas múltiples puntos que permiten unha correcta xestión e categorización dos produtos refugados:
- Edificio “Concello de Ares” (Av. Saavedra Meneses, n.º 12)
Papel, pilas, cartuchos e tóner de impresoras e teléfonos móbiles.
- Edificio “Alianza Aresana” (Calle María, n.º 11)
Papel, cartuchos e tóner de impresoras, teléfonos móbiles e aceite doméstico.
- Aula informática (Av. Mazote, n.º 3)
Papel, cartuchos e tóner de impresoras e teléfonos móbiles.
- Colegio Conde de Fenosa (Celso Emilio Ferreiro, s/n)
Papel, cartuchos e tóner de impresoras e teléfonos móbiles.
- Edificio Centro Cultural Outeiro (Chanteiro, n.º 46)
Papel, cartuchos e tóner de impresoras, teléfonos móbiles e aceite doméstico.
- Edificio Centro Instructivo y Recreativo de Cervás (Calle de la Iglesia, n.º 22)
Papel, cartuchos e tóner de impresoras, teléfonos móbiles e aceite doméstico.