O grupo teatral Os Quinquilláns estivo o venres pasado no salón de actos da Alianza Aresana adaptando varios dos relatos breves que escribiu Alfonso R. Castelao en ‘Cousas’, un clásico imprescindible na literatura galega.
Con retranca e equilibrando entre a comedia e a traxedia, a proposta levou ao escenario temáticas de Castelao que tamén resoan na sociedade de hoxe: a emigración, a xustiza social, o caciquismo, o clasismo… Unha adaptación, con presenza aresá no equipo técnico a través de Ezra Vázquez, que permitiu ao público adentrarse doutro xeito na obra do rianxeiro.
E tamén con este espectáculo teatral se conmemorou o 75 cabodano de Castelao que se celebra neste 2025, un xeito de lembrar o seu legado e relevancia na construción da Galicia contemporánea.
Actividade organizada pola Concellaría de Cultura e programada a través da Rede Cultural da Deputación da Coruña.
