No marco da programación de Nadal, estes días na Biblioteca Municipal de Ares resoaron as risas e tamén a música coas últimas propostas da Concellaría de Cultura.
Primeiro chegou Leti da Taberna o venres pasado para facernos pensar nas nosas vacacións e o tipo de tempo de lecer que temos dentro do monólogo Jastac Japi Jolidais. Tirando de retranca e irreverencia, convidou ao público a preparar as cámaras selfies, abrir as redes sociais e preguntarse se vivimos como desexamos.
E onte mesmo o jazz e o blues protagonizaron a sesión de Gallaecia Eventos no salón de actos da Alianza Aresana co seu espectáculo de teatro musical, onde afondaron nas orixes destes xéneros grazas ao gato Jazzy e o can Blusy.
Estas foron algunhas das instantáneas das xornadas culturais!
