O programa municipal do SendAres 25-26 levou onte aos sendeiristas por un dos percorridos máis singulares da súa tempada, seguindo o curso do río das Ferrerías desde a praia de Vilarrube ata as proximidades do encoro das Forcadas.
Ao longo de preto de 10 quilómetros, os participantes camiñaron entre fervenzas, frondosas zonas de fraga e bosques de ribeira, cunha paisaxe que combinou o verde do interior coa compañía das augas fluviais.
A ruta destacou tamén polo seu carácter máis aventureiro, ao tratarse da única ruta equipada de Galicia con pasos asegurados mediante pasamáns de cable e pequenos tramos de trepada con grapas; un extra de emoción á experiencia sendeirista!
Unha xornada completa de deporte, natureza e descubrimento para seguir explorando o territorio galego.
