Con todas as ganas e imaxinación que tiñan botáronse onte os pequenos e pequenas a debuxar e confeccionar uns testos e flores moi particulares na Biblioteca Municipal de Ares, dentro da programación da Concellaría de Cultura para conmemorar o Día do Libro Infantil e Xuvenil 2025.
Foi un obradoiro tematizado e deseñado para crianzas de 4 a 7 anos que tamén celebrou a chegada da primavera e a conexión que ten, coa tradición cada vez máis popular de Sant Jordi, cos libros e as historias.
Un xeito de amosar toda a súa creatividade, como ben se ve nas fotografías que deixamos aquí embaixo!
