Este 13 de abril, xusto diante da casa consistorial de Ares e ao longo de todo o día, os veciños e veciñas poderán degustar totalmente de balde diferentes produtos galegos do mar e da terra, dentro da campaña ‘Galicia sabe amar’ que propón a Xunta de Galicia por múltiples municipios da comunidade autónoma.
Chegará ó paseo marítimo da localidade unha foodtruck que se encargará de repartir varias elaboracións para poñer en valor o consumo de produtos certificados coma de proximidade, amosando a súa calidade, variedade e bo sabor. Con todo, a iniciativa tamén serve para dignificar o traballo dos profesionais da pesca e do marisqueo do territorio galego.
O foodtruck coas degustacións estará dispoñible de 12:00 a 15:00 h. e, xa pola tarde, de 17:00 a 20:00 h.
