A Igrexa de San Xosé acolleu este domingo unha nova edición do Festival de Panxoliñas, unha cita xa consolidada no Nadal aresán que reuniu á veciñanza arredor da música das agrupacións locais.
Nesta décimo cuarta edición, o público gozou das actuacións de Son de Troula, a Rondalla Trovadores de Ares, a Banda de Música da Asociación Cultural Xábrega e o Coro da Igrexa Evanxélica, que ofreceron unha ampla mostra do talento coral existente no municipio.
Tamén asistiron, en representación institucional, a concelleira de Cultura, Alma Barrón, e a edila de Benestar, Victoria Montenegro.
Unha tarde para compartir cultura e celebración colectiva, coa música como fío condutor destas datas tan sinaladas.
📸 Velaquí a crónica fotográfica do XIV Festival de Panxoliñas! 👇
