A Concellaría de Cultura vén de anunciar a nova exposición que se habilitará na Casa da Xuventude da localidade, complementando as anteriores programacións centradas no eido fotográfico, cunha mostra de cadros da artista Gloria López.
“Óleos pintados con amor” abrirase ó público este venres, 15, ata o 30 de xullo, cunha obra pictórica que se atopa marcada pola pegada da paisaxe. O horario de visita será de luns a venres (9:00 a 14:00, polas mañás, e de 20:00 a 22:00 polas tardes), amais dos sábados (de 12:00 a 14:00 horas).
