O pavillón polideportivo municipal encheuse onte para desfrutar da demostración que realizou a Escola de Baile Paso a Paso, no marco do evento organizado pola Xunta Local da Asociación Española contra o Cancro que estivo marcado non só pola danza, senón tamén pola solidaridade dos asistentes!
O recadado co prezo da entrada servirá para reforzar as iniciativas da Xunta Local de Ares na súa labor cotián na loita contra o cancro, promovendo actividades que fomentan a concienciación entre a veciñanza.
A exhibición estivo presentada por Alma Barrón, concelleira de Cultura da localidade, e Eugenio Fernández, da mesma Asociación Española contra o Cancro.
