As familias aresáns uníronse para decorar e iluminar a árbore próxima á Ponte da Ciscada durante a tarde de onte, e foi un momento cargado de simbolismo: entre as súas polas quedaron colgados os mellores desexos da veciñanza para o vindeiro 2025.
Os nenos e nenas aresáns, boli en man, encargáronse de confeccionar as bolas de Nadal e colocar dentro delas as súas mensaxes. E despois de rematar coa decoración da árbore, tocoulle a Julián, un dos pequenos que se sumou á iniciativa, acender todas as luces navideñas do municipio.
A este acto de inauguración do Nadal en Ares asistiron o alcalde, Julio Ignacio Iglesias, e a concelleira de Cultura, Alma Barrón, como coordinadora da súa organización.
Que se cumpran todos os bos desexos!
