Este domingo tivemos disfraces, música e unhas cantas gargalladas na pista cuberta do CPI As Mirandas coa celebración do Samaín e Magosto municipais.
As familias gozaron das actividades que se propuxeron dende a Concellaría de Cultura, con obradoiros –un de feridas e maquillaxe e outro de chupa chups vampíricos–, inchables, o cantabaila, animación musical e, por suposto, un bo puñado de castañas asadas.
Coa colaboración da S.C. O Tilo, quen quixera inmortalizar o momento podía facelo no seu photocall tematizado e as persoas máis creativas podían lanzarse a experimentar no concurso de cabazas .
Unha boa tarde en comunidade para pequenos e maiores, na que tamén se agradece a labor feita polo voluntariado de Protección Civil de Ares.
