Dende este luns, xa podes achegarte até a Avda. Saavedra Meneses núm. 16 e ver as opcións que nos proporciona Chimpos, a empresa especializada en traxes de época, para o VII Ares Indiano!
Alí atoparás vestimenta de home, de muller, de nenos e nenas… pero tamén un amplo surtido de complementos, dende tocados e sombreiros a guantes ou bolsos, que sirvan para que non quedes sen caracterizarte durante os días 16, 17 e 18 de agosto.
Baixo un horario de 11:30 h. a 14:00 h. e de 18:30 a 22:00 h. (agás o día 15 de agosto, que non haberá servizo de tarde), achégate até a tenda, onde tamén poderás recibir asesoramento para elixir a combinación do conxunto. O sábado, 17 de agosto, será o último día onde estará operativo este servizo.
Con todo, lembra que posteriormente as pezas alugadas se devolverán ao longo da xornada do luns, 19 de agosto.
