A Concellaría de Deportes vén de notificar o cambio de data do quinto itinerario que se promove no marco do SendAres, o programa municipal de sendeirismo; un roteiro deseñado para camiñar ao longo de Cabo Prior e Doniños.
Inicialmente prevista para este domingo, 21 de decembro, a ruta adíase até o 11 de xaneiro por motivos organizativos, ampliando o prazo de inscrición até o 30 de decembro de xeito telemático.
A ruta discurrirá por un tramo da costa ártabra, salpicada de antigas baterías militares, con característicos cantís graníticos e a constante presenza do mar, facendo do itinerario un paseo de gran beleza litoral, máis aínda ao pasar polas praias de San Xurxo e Doniños.
O percorrido consta de aproximadamente 15 quilómetros, baixo dificultade media. O prezo é de 20 euros e inclúe servizo de guía, seguros e desprazamento de ida e volta. Dende a Praza da Igrexa de Ares , o punto de encontro, sairase ás 8:00 h. e regresarase ao núcleo urbano preto das 15:00 horas.
LIGAZÓN DE INSCRICIÓN: https://forms.gle/41g7SSW6y2J2oejR6
