Esta fin de semana o Centro Cultural Outeiro de Chanteiro encheuse de xogadores no marco do III Torneo Maratón de Fútbol Sala, unha iniciativa que abrangueu do venres ao domingo, 28 de xullo, e que xa conta coa participación de equipos de diferentes localidades da comarca.
Formacións de Ares, mais tamén de Cedeira, As Pontes ou Valdoviño, sumáronse á terceira edición, dividida en tres categorías de benxamíns, infantís e cadetes. Onte xogáronse as finais e realizouse a clausura do evento, no que colabora o Concello, coa entrega dos trofeos aos gañadores.
