Coa chegada de xaneiro, a Concellaría de Medioambiente vén de informar da posta en marcha do punto limpo móbil que se adquiriu en 2022, xa colocado nas inmediacións da Praza da Igrexa de Ares. Permanecerá alí toda a semana para que a veciñanza deposite pilas e baterías; lámpadas e tubos fluorescentes; aceites minerais e vexetais; roupa e calzado e pequenos electrodomésticos.
Ao longo da segunda, terceira e cuarta semana deste mes, o punto limpo móbil achegarase a Seselle, Besoxo e Chanteiro, respectivamente.
