Tras recibir todas as propostas das crianzas da vila, o indiano e a indiana feitos pola veciña Conchi Escudero xa teñen nomes para presentarse con moita máis singularidade: Emiliano e Isolina.
De feito, esta mesma mañá acudiron até a biblioteca municipal aresán Pablo Varela Freire e Martín Sardiña Rodríguez, os gañadores do concurso de nomes que promoveu a Concellaría de Cultura, e recibiron os agasallos polas súas boas ideas para o par de figuras, ademais de retratarse con elas. Con todo, Emiliano e Isolina tamén agradecen a involucración do resto da mocidade na iniciativa.
Os dous xa son uns veciños máis que desfrutarán da oitava edición do Ares Indiano!
