Presentación literaria: ‘Alejandro Viana: un galego á fronte do rescate dos refuxiados republicanos’

O próximo acto literario organizarase este venres, 4 de abril, a partir das 19:30 horas, onde Roberto Mera recuperará a extraordinaria odisea de Viana, o seu tío bisavó, nunha Europa ocupada polos nazis e atravesada polos totalitarismos.

Alejandro Viana Esperón, deputado republicano, foi unha figura fundamental na evacuación de miles de refuxiados que desexaban chegar ata América para salvar as súas vidas, axudándoos coa posta en marcha dunha trintena de expedicións marítimas alén mar.