Veciñanza e visitantes puideron degustar ao longo da xornada de onte algúns dos sabores únicos que conforman o patrimonio gastronómico galego. A foodtrack da campaña Galicia sabe a Mar que promove a Xunta de Galicia situouse ás portas do consistorio de Ares para ofrecer uns petiscos feitos con produtos de proximidade, das nosas rías e da nosa terra.
E alí estivo tamén a concelleira de Turismo e Comercio, Lucía Blanco, para apoiar a escolla do noso municipio como un dos puntos seleccionados na dinamización dos produtos do mar, a posta en valor dos profesionais da pesca e o impulso do consumo de proximidade.
Un xeito distinto de gozar de Galicia!
