O club de lectura municipal coordinado polo equipo da Biblioteca volveu reunirse na tarde do pasado venres, desta volta para falar sobre a obra “A bailarina de Auschwitz” de Edith Eger.

Esta agrupación lectora púxose en marcha xusto antes da pandemia co obxectivo de fomentar a lectura e o intercambio de opinións entre os membros, e desde entón celebran reunións mensuais para comentar a obra seleccionada e compartir as súas impresións e reflexións.

A obra escollida para esta sesión é unha novela inspirada en feitos reais, que narra a historia dunha bailarina xudía que sobreviviu ao Holocausto. Unha obra que ofrece unha lectura emocionante e conmovedora e capaz de xerar un gran debate e reflexión entre os lectores.

Teremos que esperar para coñecer cal será o seguinte libro que comentará o grupo, pois aínda está pendente de desvelar!!