Para facilitar o emprego das instalacións do pavillón polideportivo municipal de Ares, suxeito na actualidade a un fondo proxecto de mellora da súa infraestrutura, a Concellaría de Deportes vén de anunciar a inminente apertura do ximnasio e a sala de usos múltiples ubicadas no seu primeiro andar, adiantando así a súa posta en marcha.
Deste xeito, os dous espazos deportivos estarán dispoñibles para a veciñanza a partir da próxima semana, activando tamén as actividades dirixidas en sala que coordina o Concello no marco da súa programación lúdico-deportiva anual.
Con todo, as actividades que se realizan na pista polideportiva interior retomaranse coa finalización do conxunto da obra.
