Mentres continúan os traballos de aglomerado e acondicionamento, recoméndase circular con especial precaución nas zonas de saída ao centro educativo.

Ares, 26 de outubro de 2026. O Concello de Ares pon en coñecemento da veciñanza que, con motivo do inicio dos traballos de aglomerado e acondicionamento no Camiño de Maciñeiras, poderán rexistrarse cortes puntuais ou restricións de tráfico na zona durante o desenvolvemento das obras.

As actuacións levaranse a cabo co obxectivo de renovar a capa de rodaxe e mellorar a seguridade e comodidade da circulación neste viario moi utilizado no período escolar.

O Concello agradece de antemán a comprensión e paciencia da veciñanza polas posibles molestias que estas tarefas de mantemento e mellora das infraestruturas poidan ocasionar.