Un total de 50 nenos e nenas de 6 a 12 anos participan na primeira quenda deste programa que busca favorecer a conciliación familiar e, ao mesmo tempo, a convivencia entre a cativada.
As diferentes actividades, que combinan o carácter deportivo, coa parte educativa e tamén a vertente lúdica, servirán para fomentar valores como son a convivencia, o respecto e o coñecemento da contorna, xa que se desenvolverán en distintos espazos exteriores do centro urbano.
Estes campamentos deportivos complementarán as actividades diarias do programa “ConciliAres”, o “Xuventude Activa” e o de “Xogos nas Parroquias”, ofrecendo así ás familias unha ampla variedade de opcións para conciliar as súas responsabilidades.
Aquí temos un pequeno vídeo da cativada, do pasado venres, practicando vela!
