- Os sendeiristas coñecerán neste noveno itinerario a paisaxe da contorna de Mondoñedo, chea de carballos, castiñeiros e un bo abano de regatos, e tamén coa impresionante fervenza do Salto do Coro.
- A reserva de prazas abrirá ao longo desta tarde, a partir das 16:00 h., primeiro para empadroados/as ata o día seguinte na mesma franxa horaria, cando chegue a quenda do resto de persoas.
A Concellaría de Deportes principia coas inscricións do noveno e último roteiro do SendAres 2025-2026, o programa de sendeirismo do Concello, este mesmo 8 de abril.
A partir das 16:00 h. e empregando a páxina web institucional, habilitarase a reserva de prazas telemática en dúas quendas: primeiro empadroados ata o día seguinte, na mesma franxa horaria, momento onde se abrirá a reserva de prazas aos non-empadroados/as na localidade.
Os sendeiristas que se sumen ó roteiro desfrutarán dun paseo circular que arrancará na histórica Fonte Vella, ao carón do casco antigo de Mondoñedo, e avanzará cara a aldea de Valiñadares ata chegar á fervenza do Salto do Coro.
Estarán acompañados por carballos, castiñeiros e regatos ao longo dos 12 quilómetros de percorrido, cunha dificultade baixa-media, ao longo da xornada do domingo, 26 de abril.
O prezo é de 20 euros e inclúe servizo de guía, seguros e desprazamento de ida e volta. Dende a Praza da Igrexa de Ares, o punto de encontro, sairase ás 7:30 h. e regresarase ao núcleo urbano preto das 17:00 horas.
A Concellaría de Deportes asignou 25 prazas para a actividade que se cubrirán por orde de inscrición ata o 16 de abril ás 14:00 h. ou, de darse o caso, ata o seu esgotamento.
Inscricións na seguinte ligazón: https://forms.gle/2vTBRWvt479pc9Sw5
