- A paisaxe de Cabo Prior a Doniños protagonizará este itinerario de sendeirismo axendado para o 21 de decembro.
- A reserva de praza abrirá hoxe a partir das 16:00 horas para empadroados ata o día seguinte na mesma franxa horaria, cando chegue a quenda dos non-empadroados.
A Concellaría de Deportes vén de anunciar a apertura das inscricións para o quinto itinerario planificado dentro do SendAres 25-26, o programa de sendeirismo do Concello.
Este 3 de decembro, a partir das 16:00 horas e empregando a páxina web institucional, habilitarase a reserva de prazas telemática en dúas quendas: primeiro empadroados ata o día seguinte, na mesma franxa horaria, momento onde se abrirá a reserva de prazas aos non-empadroados/as na localidade.
A ruta discurrirá por un tramo da costa Ártabra, salpicada de antigas baterías militares, con característicos cantís graníticos e a constante presenza do mar, facendo do itinerario un paseo de gran beleza litoral, máis aínda ao pasar polas praias de San Xurxo e Doniños.
O percorrido consta de aproximadamente 15 quilómetros, baixo dificultade media, e promoverase durante o domingo, 21 de decembro. O prezo é de 20 euros e inclúe servizo de guía, seguros e desprazamento de ida e volta. Dende a Praza da Igrexa de Ares, o punto de encontro, sairase ás 8:00 h. e regresarase ao núcleo urbano preto das 15:00 horas.
A Concellaría de Deportes asignou 25 prazas para a actividade que se cubrirán por orde de inscrición ata o 11 de decembro ás 14:00 h. ou, de darse o caso, ata o seu esgotamento.
ENLACE DE INSCRICIÓN: https://forms.gle/41g7SSW6y2J2oejR6
