Desde o Servizo Municipal de Augas de Ares veñen de informar á veciñanza dunha incidencia técnica producida durante o proceso de impresión e envío de facturas correspondentes ao último período de lectura.
Así, debido a un erro na cadea de produción e distribución postal, é posible que algúns domicilios reciban dúas copias idénticas da mesma factura.
Ante esta situación, o Servizo Municipal de Augas aclara:
- O importe, os datos e o consumo reflectidos na factura son correctos, sendo unicamente un erro de impresión e envío duplicado.
- A incidencia non afecta ao proceso de cobro. O cargo bancario realizarase unha única vez, tal e como sucede habitualmente.
- Ao recibir dúas copias da mesma factura, non é necesario realizar ningunha xestión ou trámite co Servizo Municipal de Augas ou entidade bancaria. Pode simplemente descartar unha das copias.
Lamentamos as posibles molestias que poida causar este erro alleo á nosa vontade e agradecemos de antemán a comprensión.
