Para o deseño das rutas enmarcadas dentro do proxecto “Ares Descobre”, nestes días levouse a cabo un proceso de gravación de videotestemuñas con algúns informantes aresáns, as persoas que mellor poden coñecer a historia do territorio polo que transcorrerán os percorridos tematizados.

Comparte esta nota de prensa

Así, primeiro visitouse Caamouco para falar con Ernesto López Naveiras, historiador da parroquia e presidente de honra da Agrupación Instrutiva de Caamouco. A conversa con el serviu para afondar mellor no pasado mariñeiro de Redes a través da evolución das súas rúas e a singularidade da súa arquitectura. López Naveiras destacou especialmente a importancia de recuperar e transmitir a memoria do lugar para que as persoas máis novas, xunto cos visitantes, poidan saber de primeira man como era o porto de Redes.

Despois, a gravación trasladouse ata Cervás para coñecer a Javier Domínguez Vilasánchez, pescador de ribeira, e César Pita Carretero, un apaixonado da historia local e escritor do libro “Na ribeira das nosas vidas”. Con ambos puidose revivir como era un día a día nas ribeiras da contorna, lugares recoñecidos non só pola súa actividade pesqueira, senón tamén pola súa relevancia social e cultural. Ademais da pesca, nestes espazos tiñan lugar as primeiras aprendizaxes sobre o mar, trasladadas de xeración en xeración, e que marcaban o recordo dos aresáns.

Estas actividades de gravación forman parte do proceso de creación de contidos para a elaboración de dúas rutas sobre o territorio. As rutas conforman o proxecto denominado como “Definición, deseño e implementación de rutas tematizadas para a promoción do patrimonio natural e mariñeiro do concello de Ares. Ares Descobre”, impulsado pola Concellaría de Deportes da localidade co financiamento do GALP Golfo Ártabro Norte e o Fondo Europeo Marítimo e de Pesca (FEMP).

Pódeche interesar

Notas de prensa

Mestra no Concepción Arenal da Habana, primeira muller en ocupar a Vicepresidencia da Sociedade Fillas de Galicia creada para defender ás emigrantes galegas de calquera abuso e participante no I Congreso de Mulleres de Cuba de 1923, Andrea López Chao foi unha desas referentes que loitou por avanzar na sociedade do século XX.

A súa defensa do sufraxio feminino e da igualdade entre homes e mulleres expoñen a importancia de homenaxeala, xusto como se fixo o domingo pasado