Bota unha ollada con calma e garda ocos na axenda para asistir ás vindeiras actividades na Biblioteca Municipal de Ares, inscritas dentro do programa de dinamización da Xunta de Galicia Ler conta moito:
CONTACONTOS DE ANA MEILÁN
O luns, 7 de abril, a partir das 18:30 horas, Ana Meilán achegarase até a Alianza Aresana para contestar a unha pregunta: Que pasaría se o mundo quedase sen bágoas?
Unha proposta totalmente gratuíta para as crianzas e as súas familias.
OBRADOIRO POLO DÍA DO LIBRO INFANTIL E XUVENIL
O mércores, 9 de abril, os pequenos e pequenas de 4 a 7 anos poderán conmemorar o seu propio Día do Libro cun obradoiro tematizado. Organizarase dende as 18:30 h. baixo un prezo de 2 euros.
🔗Inscricións telemáticas dende o luns, 7 de abril, ás 10:00 horas, na seguinte ligazón: https://forms.gle/UffmG3gsEmGepiB7A.
