O punto limpo móbil do Concello xa está á disposición da veciñanza na contorna de A Rega, en Chanteiro, durante toda esta semana para que se depositen os residuos de tratamento especial.
Lembra que alí podes deixar:
- Pilas e baterías,
- Lámpadas e tubos fluorescentes,
- Aceites vexetais e minerais,
- Pequenos electrodomésticos,
- Roupa e calzado.
A maiores, a área de Medioambiente informa de que, aínda que a veciñanza aresá tamén poida empregar a partir de agora o Punto Limpo de Vilar do Colo compartido con Fene e Cabanas, o servizo municipal de Ares continuará operando con total normalidade no seu percorrido por todo o concello.
