Dende o EDLG do CPI As Mirandas e a Concellaría de Cultura do Concello de Ares lanzamos o V Concurso de escritura creativa de Microrrelatos.
A través del podedes deixar voar a vosa imaxinación e trasladarnos a vosa creatividade. O concurso consistirá en crear un microrrelato de tema libre en galego a partires dunha das seguintes frases propostas.
A frase que elixades será o comezo do microrrelato
FRASES
- Castelao chegou a Ares da man de…
- No fondo da fraga seguía soando unha voz…
- Cando soou a última nota da muiñeira, … As guedellas da rapaza chegaban a…
- Non era o vento o que facía soar…
BASES
O microrrelato terá a extensión limitada a 200 palabras. Deberá levar obrigatoriamente un título.
O límite de envío do número de microrrelatos por participante será de dous, sempre e cando se cumpran os criterios establecidos nas bases.
O/a participante fará constar no mesmo o seu nome e apelidos, idade e curso así como un teléfono e correo electrónico de contacto.
Poderán participar mozos e mozas empadroadas en Ares e alumnado do CPI Mirandas.
Os gañadores/as da pasada edición non poderán concursar a premio nesta convocatoria pero si participar.
CATEGORÍAS
Categoría A: alumnado de primaria (4º, 5º e 6º) Categoría B: alumnado de ESO
FORMA DE PARTICIPACIÓN E PREMIOS:
Envío por email aos correos: tesmoitalingua@gmail.com ou cultura@concellodeares.com Entrega no CPI As Mirandas ou na Biblioteca Municipal nos horarios habituais de apertura. Prazos de entrega: dende o 1 de abril ao 23 de abril, ambos incluídos (hora límite: 19:30 h) Haberá 1 gañador/a (premio: tablet ou ebook) e 1 finalista en cada categoría (lote del libros). O xurado estará composto por profesorado do CPI as Mirandas e por unha persoa proposta pola Concellería de Cultura.
O acto de entrega de premios celebrarase o martes 30 de abril ás 18:30 h no salón de actos da Alianza Aresana
BASES EN PDF: V CONCURSO DE MICRORRELATOS-DÍA DO LIBRO. ABRIL 2025