VERANEARES DEPORTIVO 2025

Maio 30, 2025

Comparte este evento

Apertura de prazo 02-06-2025

CAMPAMENTO DEPORTIVO URBÁN

– IDADE E PRAZAS:

De 6 a 12 anos – nados/as entre os anos 2013 e 2019, ambas anualidades incluidas
25 prazas dentro das 3 quincenas que compoñen o campamento

– LUGARES E HORARIOS:

No pavillón municipal, pista cuberta do CPI As Mirandas e espazos exteriores da vila (parques, prazas, praia…).
De luns a venres laborables, de 10:00 a 13:00 horas.

– PREZOS:

Quincenais: 33,16 euros (empadroad@s) / 55,25 euros(non empadroad@xs)
Mensuais: 60,77 euros (empadroad@s) / 104,98 euros (non mpadroad@s)

XUVENTUDE VERÁN ACTIVO

Padelsurf, kaiak, voleipraia, pádel, tenis de mesa e danzas urbanas

– IDADE E PRAZAS:

Para rapaces e rapazas de 12 a 16 anos – poderán tomar parte con 12 anos cumpridos ou que se cumpran na anualidade 2025.
12 prazas por quincena

– LUGARES E HORARIOS:

Os espazos varían en función da actividade a desenvolver
Non obstante, kaiak e padelsurf serán sempre no Club Marítimo de Redes.
De luns a venres laborables, de 10:00 a 13:00 horas

– PREZOS:

Quincenais: 50 euros (empadroad@s) / 80 euros (non empadroad@s)
Inclúe os materiais para as distintas actividades.

XOGOS DEPORTIVOS EN CERVÁS-CHANTEIRO

– IDADE E PRAZAS:

De 4 a 9 anos de idade (poderán tomar parte só os nenos/as con 4 anos ou que os cumpran no ano 2025)
10 prazas por quenda

– LUGARES E HORARIOS:

Na pista polideportiva de Chanteiro e no local social do C. C. Outeiro.
Cada luns e mércores, de 11:00 a 13:00 h.

– PREZOS:

Quincenais: 15,67 euros (empadroad@s) / 33, 15 euros (non empadroad@s)
Mensuais: 27,63 euros (empadroad@s) / 60,77 euros (non empadroad@s)

TRÁMITES E INSCRICIÓNS

As reservas realizaranse para as tres quincenas habilitadas: do 1 ao 15 de xullo (1a quenda), do 16 ao 31 de xullo (2a quenda) e do 1 ao 14 de agosto (3a quenda). Existe a posibilidade de apuntarse por mensualidade completa, previo pago adiantado do importe.

A inscrición será a través da web www.concellodeares.gal, no apartado VeraneAres Deportivo 2025. As prazas cubriranse por orde de inscrición, ata esgotar as prazas, nos prazos que seguen::

Empadroad@s ou nen@s con titores empadroad@s: do 2 ao 12 de xuño.
Resto de persoas: do 16 ata o 20 de xuño.

No caso de dúas ou máis inscricións por núcleo familiar, aplicarase un desconto dun 25 % na segunda e sucesivas inscricións.

Procedemento de pago: unha vez confirmada a praza, haberá un período para efectuar a transferencia bancaria nun número de conta destinado a tal efecto.

Lembra que esta información de reserva e prazos só atinxe ao campamento deportivo urbán, xogos deportivos en Cervás-Chanteiros e Xuventude Verán Activo..

Os rapaces e rapazas solicitantes deberán posuír aptitude e autonomía suficientes para desenvolver as actividades do programa VeraneAres Deportivo 2025.

O Concello de Ares disporá de cremas fotoprotectoras para a rapazada participante, que deberán aplicarse antes de comezar a actividade cada xornada (no caso de que as familias non autoricen esta aplicación deberán informar ao monitorado e traer aplicada a súa propia crema protectora).