Durante toda esta semana, o consistorio de Ares amosará sobre a súa fachada a cor rosa coma forma de conmemorar o Día Internacional da Loita contra o Cancro de Mama que se celebra mañá, mércores 19 de outubro.

Con este acto simbólico, o Concello súmase ás reivindicacións que fan fincapé na importancia da investigación e de contar con diagnósticos precoces para combatir esta enfermidade. Tamén supón unha mostra de solidariedade coas persoas que o padecen e están no proceso de vencelo.