Os traballos de cimentación, que darán paso á construción da próxima nave de embarcacións, contan cun orzamento de 34.485 €, financiados con fondos municipais.
A concellaría de Urbanismo informou do avance das obras de mellora do solo para a futura nave da embarcacións na dársena seca do porto aresán.
As tarefas iniciadas na parcela que albergará o novo depósito de embarcacións, proxectado para usos deportivos que se destinarán ao Club de Remo, abarcan unha superficie duns 1.065 metros cadrados. Tal e como explican desde a área de Urbanismo, a intervención que se está levando a cabo consiste na realización da cimentación a base de zapatas ailladas de formigón armado e a posterior formación dunha soleira base do mesmo material.
Os traballos contan cun orzamento de execución de 34.485 € (IVE engadido), sufragados con fondos propios e, tras eles, continuarase coa construción do novo edificio.
