NATUREZA E DESCRICIÓN

A aula de Informática – Aula CeMIT é un servizo que ofrece o Concello de Ares en colaboración coa Deputación da Coruña e a Xunta de Galicia para que toda a poboación poida acceder libremente ás oportunidades que brindan os novos sistemas de información e comunicación. O mundo das novas tecnoloxías converteuse nos últimos anos nun elemento imprescindible dentro da sociedade actual. Os computadores atopámolos en todos os ámbitos da nosa vida cotiá.

A aula de Informática – Aula CeMIT ofrece un servizo de acceso libre e gratuíto a Internet para crear un centro de estudo, traballo e lecer. No horario de aula aberta pódese acudir para realizar traballos escolares, navegar por Internet, abrir unha conta de correo electrónico, enviar e recibir correos, imprimir información puntual, consultar ofertas de emprego na Web…

DESTINATARIOS

As Aulas están destinadas a todos os habitantes do Concello de Ares que estean interesados no mundo da informática e as novas tecnoloxías. As persoas que queiran acceder a este servizo só terán que pasar pola aula e cubrir a ficha de inscrición. Actualmente as aulas contan cun total de 900 usuarios rexistrados.

EQUIPAMENTO

O equipamento da aula de informática municipal é:

• 6 Ordenadores con Windows
• 1 Impresora
• 1 Televisión

O equipamento da Aula CeMIT municipal é:

• 12 ordenadores con Linux
• 1 Impresora
• 1 Televisión
• 1 Proxector
• 1 Sistema de videoconferencia