Esta actividade enmarcouse na limpeza simultánea de praias promovida pola Asociación Ecoloxista ADEGA.
O grupo de 12 voluntarios e voluntarias dedicouse principalmente á extracción de cabichas, cordas, restos de bateas e diversos tipos de plásticos, como tapóns, envases de comida e bolsas, que representan unha ameaza para a fauna mariña local. Esta iniciativa contou co apoio do Concello de Ares, a través da súa área de Medio Ambiente, co obxectivo de concienciar sobre o problema da contaminación mariña.
