JULIO IGNACIO IGLESIAS REDONDO, ALCALDE DO CONCELLO DE ARES, POR MEDIO DO PRESENTE, FAI SABER:
Que, ante o problema de picudo vermello que está a afectar ás palmeiras canarias (Phoenix canariensis) do Concello de Ares, un dos insectos máis dañinos para elas capaces de causar a súa morte, se recomenda á veciñanza informarse debidamente das posibilidades actuais para o seu tratamento.
De cara a facilitar a xestión colectiva desta praga, a Concellaría de Medioambiente convida á veciñanza a contactar co número de teléfono 677 12 41 21, en horario de 10:00 a 13:00 h. de luns a venres, co fin de elaborar un censo de palmeiras canarias afectadas na contorna de Ares e valorar as opcións dispoñibles no tocante aos seus tratamentos.
Ares, 3 de febreiro do 2025
O alcalde
Asdo.: Julio Ignacio Iglesias Redondo
