A Coruña celebrou esta fin de semana un evento que foi moito máis aló do deportivo: a Lucas Slalom Cup, unha competición internacional de patinaxe Inline Freestyle que organizou o Club Alquima da cidade herculina para rendir unha profunda homenaxe ao aresán Lucas Seijo Fernández, falecido nun tráxico accidente en setembro de 2024.
O seu recordo estivo presente para organizadores, participantes, asistentes e voluntarios que se sumaron á iniciativa, que lembrou a paixón de Lucas polos deportes de rodas, chegando incluso a proclamarse Campión Galego de Slides e Subcampión de España de Salto no Campionato Promesas. Na súa mocidade xa avanzaba paso a paso para abrirse camiño no mundo da patinaxe.
De feito, os seus compañeiros e compañeiras do Club Alquimia resaltaron o evento como unha “celebración do legado e do amor de Lucas polo deporte”, e así o amosaron nas pancartas que se puideron ver dende no Pavillón Polideportivo de Monte Alto: #SempreLucas.
O Concello de Ares tamén estendeu o seu agradecemento polo convite para participar nun evento tan importante para a vila e toda a súa comunidade, sumándose á entrega de galardóns coa presenza de Alma Barrón, tenente-alcalde e concelleira de Deportes.
Grazas polo voso esforzo, grazas por facer realidade esta Lucas Slalom Cup 2025!
