O pasado venres, a Biblioteca Municipal engalanouse para recibir este período festivo que vén e, xa de paso, encherse de grandes desexos para o 2026. Crianzas e familias achegáronse até alí para decorar xuntas a árbore de Nadal, pendurando dela boliñas coas mensaxes que envían para o vindeiro ano.
No marco do evento organizado pola Concellaría de Cultura, Ares deu comezo ao Nadal grazas ao traballo creativo da súa veciñanza e cun broche final especial: ao rematar a decoración e pendurado, acendéronse as luces festivas da vila.
Alí estiveron tamén as concelleiras Alma Barrón, Lucía Blanco e Victoria Montenegro, desexando que todos os bos desexos se cumpran para o 2026!
