VI CONCURSO DE MICRORRELATOS – DÍA DO LIBRO

Abril 1, 2026

Comparte este evento

23 DE ABRIL DE 2026

Dende o EDLG do CPI As Mirandas e a Concellaría de Cultura do Concello de Ares lanzamos o VI Concurso de escritura creativa de Microrrelatos.

A través del podedes deixar voar a vosa imaxinación e trasladarnos a vosa creatividade. O concurso consistirá en crear un microrrelato de tema libre en galego a partir dunha das seguintes frases propostas. A frase que elixades será o comezo do microrrelato.

FRASES PROPOSTAS

Quero ser Morgana para…
A mamá un día decidiu que non quería coser máis.
O 12 de agosto o tempo parou durante dous minutos.
Begoña tece o seu desexo de Liberdade.
Aquel roto no meu pantalón favorito era estraño.

BASES

O microrrelato terá a extensión limitada a 200 palabras. Deberá levar obrigatoriamente un título.
O límite de envío do número de microrrelatos por participante será de dous, sempre e cando se cumpran os criterios establecidos nas bases.
O/a participante fará constar no mesmo o seu nome e apelidos, idade e curso así como un teléfono e correo electrónico de contacto.
Poderán participar mozos e mozas empadroadas en Ares e alumnado do CPI Mirandas.
Os gañadores/as da pasada edición non poderán concursar a premio nesta convocatoria pero si participar.

FORMA DE PARTICIPACIÓN E PREMIOS

Envío por email aos correos: tesmoitalingua@gmail.com ou cultura@concellodeares.com
Entrega física no CPI As Mirandas ou na Biblioteca Municipal nos horarios habituais de apertura.
Último día de entrega: 23 de abril (hora límite: 19:30 h).
Premios: Haberá 1 gañador/a (premio: tablet ou ebook) e 1 finalista en cada categoría (lote de libros).
Xurado: Estará composto por profesorado do CPI as Mirandas e por unha persoa proposta pola Concellaría de Cultura.
Entrega de premios: O acto celebrarase o mércores 29 de abril ás 18:30 h no salón de actos da Alianza Aresana.