- A iniciativa está coordinada conxuntamente coa Policía Local e Garda Civil de Mugardos.
O vindeiro xoves, 25 de xuño, ás 11:00 horas, a Policía Local de Ares promoverá unha reunión cos locais de hostalería aresáns para achegar de xeito personalizado diferentes obligacións e circunstancias que deben cumprir de cara á temporada de verán.
Será no salón de actos da Alianza Aresana onde o persoal da Policía Local se atopará cos hostaleiros e hostaleiras aresáns para explicarlles cuestións básicas como a obrigatoriedade de colocar cartelería, en lugar visible, de prohibición de alcohol ou tabaco a menores; as condicións das terrazas en vía pública; información vencellada coa realización de concertos ou espectáculos nos locais e mesmo o cumprimento de horarios.
Con todo, o encontro tamén é unha oportunidade para formular dúbidas máis específicas aos axentes da Policía Local de Ares sobre outras temáticas que estean relacionadas cos negocios de hostalería.
Ademais, a xornada coordínase coa Policía Local e Garda Civil de Mugardos, que materializarán nese día unha charla en paralelo no seu municipio sobre o mesmo asunto.
Con acceso libre.
