Na mañá de onte, preto de 35 sendeiristas percorreron a costa aresán no penúltimo itinerario que se organiza baixo a programación municipal do SendAres (tempada inverno-primavera). Coa climatoloxía a favor e atravesando espazos de Lubre e Cervás ata acadar Chanteiro, gozáronse das vistas dos cantís e da beleza das calas, tamén da Illa das Mirandas ou do Castro de Santa Mariña.
O itinerario deste domingo, fronte a outras experiencias sendeiristas previas, fixo fincapé na riqueza litoral e o patrimonio natural de Ares, unha paisaxe de gran valor redescuberta a partir da práctica deportiva que xa podes apreciar aquí embaixo!
