A concelleira de Cultura da localidade, Alma Barrón, inaugurou o venres pasado a colección fotográfica, que estará en Ares até o 29 de febreiro no último andar da Casa da Xuventude. Veciños e veciñas poderán achegarse en horario de 10:00 a 14:00 h. e de 16:00 a 19:00 h., os martes, xoves e venres, e ver de preto unha mostra do mellor fotoxornalismo galego.
Esta 32º edición de Galicia en Foco mantén a súa condición de viaxe polo tempo, lembrándonos grandes acontecementos sociais, políticos, medioambientais ou culturais vividos recentemente no noso territorio, pero sempre dende as ópticas singulares de grandes fotógrafos contemporáneos. Non quedes sen botarlle unha ollada!
