Ao peche do día de onte, o areal próximo ao paseo marítimo da localidade foi o escenario da mostra de baile da Escola de Danza Comp-Arte, acollendo un espectáculo onde veciñanza e visitantes puideron gozar dunha boa variedade de coreografías e estilos musicais.
A praia serviu como unha contorna natural perfecta para que as bailarinas e bailaríns ensinaran todo o aprendido ao longo do curso, dende os máis pequenos até os máis maiores! E estas foron algunhas das instantáneas que nos deixou o evento no que colaborou o Concello de Ares.
