Alumnado do CPI As Mirandas gaña o I Premio Lazos Coruñeses con América Latina

Comparte esta nota de prensa

Hoxe estamos de celebración non só polo Nadal, senón tamén pola boa nova que veñen de recibir no colexio municipal!! O traballo “Ares e Cuba, unha historia compartida. A súa pegada indeleble na nosa vila”, elaborado por alumnos e alumnas do CPI As Mirandas, recibiu o premio á investigación escolar da Deputación da Coruña por decisión unánime do xurado.

7 foron os alumn@s de 4º da ESO dentro da asignatura de Xeografía e Historia que obtiveron o galardón, coordinados por María do Rocío Pena Pena e en colaboración co equipo de Dinamización Lingüística do colexio:

  • Geovanna Carvalho de Medeiros Correia
  • Luís Alejandro Crespo Oltra
  • Hugo Martínez Cortizas
  • Fabio Polo Leira
  • David Vila Villares
  • Iván Pena Dovale
  • Gonzalo Martínez Cauce

O premio, dotado con 3.000 euros, recoñece a calidade e exhaustividade do traballo, unha análise da longa relación entre Ares e Cuba a través da emigración co foco posto nas razóns, o proceso e a pegada do fenómeno migratorio na nosa localidade.

“En Ares temos que estar orgullosos de ter a primeira escola indiana de Galicia, e a segunda de España, impulsada, pagada e sostida polos emigrantes aresáns na Habana. Non foi unha escola, senón cinco, as que construíron no Concello de Ares co capital e a ilusión dos nosos emigrantes”; esas son algunhas das liñas que sintetizan o latexo da súa investigación.

Parabéns a todos eles!! Polo premio, o esforzo e o agarimo co que trataron a nosa historia!

Máis info: https://www.dacoruna.gal/novas/ficha-noticia-reducida?id_evento=21027

Pódeche interesar