A Concellaría de Cultura e a Asociación Española contra o Cancro, que ten representación en Ares a través da súa delegación local, organizan conxuntamente un bingo solidario o próximo 22 de decembro ás 18:00 horas para recaudar fondos e axudar na loita contra a doenza, dentro da programación de Nadal da localidade.
A Alianza Aresana será o espazo que acollerá esta iniciativa na que poderán participar os maiores de 16 anos e que contará con agasallos tanto para as liñas como para o bingo. O prezo por cartón será de 2 euros e a entrada para participar é completamente libre.
