A foodtruck da campaña ‘Galicia sabe amar’ promovida pola Xunta de Galicia chegou onte ó municipio aresán para ofrecer as súas degustacións gratuítas ao longo de toda a xornada, un xeito de destacar a calidade e variedade da gastronomía galega e do produto de proximidade.
Xunto con veciñanza e visitantes, á foodtruck instalada no paseo marítimo de Ares tamén se achegou Lucía Blanco, concelleira de Comercio e Turismo, para apoiar esta iniciativa que pon en valor o traballo dos profesionais da pesca e do marisqueo, e que xa pasou pola localidade en anteriores anos.
Dende a súa área municipal, Blanco fixo fincapé “na relevancia de apoiar toda proposta que exalte os produtos do noso mar e da nosa terra, e non só degustándoos, senón tamén mercando dende o local, como ben se pode facer no Mercado Municipal da nosa vila”.
