Veciñanza de todas as idades sumouse onte á andaina celebrada na vila para compartir unha mañá arredor dunha causa solidaria: a loita contra o cancro, nunha iniciativa promovida pola Xunta Local da AECC en Ares, coa colaboración do Concello.
Dende a praia do Xuncal, as persoas participantes completaron un percorrido de 6 quilómetros polo paseo marítimo, Poellas, a praia de Centeás e a praia da Barrosa, antes de regresar ao punto de partida.
Un itinerario pola contorna aresá que serviu para visibilizar, paso a paso, a importancia de seguir apoiando a investigación contra o cancro e os servizos de atención e acompañamento ás persoas afectadas e ás súas familias.
Grazas a todas as persoas que participaron e, especialmente, ao voluntariado e ás entidades, patrocinadores e colectivos colaboradores que fixeron posible esta nova xornada solidaria!
